بصوا يا جماع انا هبتدي الكلام معاكو اني كنت فحاله اكتأب صعبه اوي ويا مكتر الحالات دي عندي الايام دي
ففوسط الحاله دي طقت فدماغي فكره اعملها
وكان كل قصدي فعلا اني اخرج الناس اللي تعبوا حواليا بسببي من الحاله اللي هما فيهم
فجه فدماغي فكره كده وقولت اعمل حفله عليها
يعني اخترعتها علشان نتبسط بدل جو االكأبه اللي بقالنا كتير عايشين فيه
بس اللي حصل بقي وانا فعلا كنت مبسوطه وانا بقولهم كده
ان كل واحد شككني فنفسي
وكل ما اقول حد فضل يقولي ربنا يستر
وخوفوني
خفت لاكون باللي هعمله ده اكون هضايق حد من غير محس
مع ان كل قصدي فعلا اني لفرحهم مش اكتر
بس تقولو ايه بقي
فضلوا يشككوني فنفسي
ويحسسوني ان اللي هعمله ده وجو اللمه اللي هنبقي فيه هيجرح ناس كتير
بطريق غير مباشر طبعا وفضلت احسبها ميت حساب
بعد ما كنت هعمل الحكايه دي بكل تلقائيه
بقيت خايفه لاجرح حد
فاللمه دي
مع اني والله العظيم ما اقصد غير اننا نجمع تاني
ونفرح
بس
ومش قصدي اي جرح وحزن ولا اني اضايق حد
بس خلاص
يا رب فعلا ده اللي يحصل بكره وما يحصل حاجه غير اننا نفرح
او يعني هما يفرحوا
هو ده هدفي والله
مش مهم انا افرح ولا غيره
ما عادتش فارقه معايا كتير
بس بجد نفسي افرح الناس اللي تعبوا بسببي
هاي.
ReplyDeleteانا بقالس ساعة في المدونة وحسيت انه فيه حدث وحش حصل سبب حزن واكتأب بس ايه هو....مش عارف..
حاسس انه فيه حلقة مفقودة..
وكمان مش لقيت حد هنا بيعلق....ياترى ليه.؟؟
هو ليه محدش بييجي هنا بجد ولا بيعلق..؟؟
ReplyDeleteحاسس اني في مدينة مهجورة وفي الشوارع الفاضية لوحدي
يا ريت تفهميني ليه..؟
اولا احب اقولك ميرسي انك دخلت مدينتي المهجوره وعلقت وما خفتش
ReplyDeleteثانيا انا فعلا عامله النوت دي مجرد ورقه وقلم بكتب فيه كل احاسيسي اللي بحس بيها فحياتي سواء الاحاسيس دي مفرحه او لأه
علشان كده ما بستناش رد من الناس
فدي حاجه بتفرحني مش مضيقاني
يعني لو حد عايز يعلق عاللي كاتباه اهلا وسهلا لو مش عايز يبقي احسن
ده من ناحيتي انا
اما بقي من ناحيه الناس
فأنا معرفش
يمكن علشان ما عادش حد بيحس بحد او يمكن علشان اللي بكتبه ما يهمهومش والناس ما عادتش بتهتم غير باللي يهمها
ومره تانيه ميرسي