حاضر يا زهر نعمين يا زهر
عجبك كدا لعبك يا زهر
نسهر سوى نلعب سوى
تفرحنا يوم ونبكى شهر
تخصمنا يوم تصالحنا شهر
عجبك يا زهر .. أمرك يا زهر
عامل حمل وانت غول ابقى الجمل وانت الحمول
ارمى البياض او بس قول
ولا عشان انا عندى صبر
امرك يا زهر .. حاضر يا زهر
يا ابو الف وش والف عين والف ضحكة ملونين
وراك وراك .. وخدنى فين
انت دلال ولا انت امر
أمرك يا زهر .. حاضر يا زهر
انا بموت فالاغنيه دي اوي وفي ناس كتير بتسغرب اني بحبها
وبتقولي انتي بتتأثري بأيه فيها
بس انا شايفاها غير كده خالص وشايفاها مؤثره جدا ومعبره كمان
علي عكس مانتم شايفين
بحس كده ان الزهر اللي بيغنيله الكنج ده زي الدنيا كده
طيب جرب كده شيل كده كلمه زهر وحط كلمه دنيا وشوف هي دي الدنيا ولا لأه
هي الدنيا فعلا
مش ثابته علي حال ولا عمرها بتصالحنا علي طول ولا تخاصمنا علي طول
ولا تفرحنا علي طول ولا تبكينا علي طول وهكذا فكل الاغنيه
علشان كده دي من اكتر الاغاني اللي بحبها لمنير
وفالاخر احب اقول حاضر يا دنيا نعمين يا دنيا
مش عارف ليه حاسس برضه انه موضوع الابتعاد عن الناس او...عدم الاهتمام بوجود الناس ده وراه جرح ما او شيء ما..!!
ReplyDeleteحاولي تتواصلي مع الناس بلاش تصنعي عالمك الافتراضي وتعزلية بالشكل ده..
يمكن تكوني سبب في امتاع الناس لما تتواصل معاكي فا انت كمان تشعري بالسعادة..
مرة سمعت اغنية حلوة بتقول:
Just make someone happy..
Then, you will be happy..
اولا ميرسي علي اهتمامك
ReplyDeleteثانيا يمكن علشان انت في حاجات كتير مش فاهمها فيمكن يكون في حاجات كتير ما تتفهمهاش وتقدر تحسها
ثالثا بقي وده الاهم انا يمكن مؤخرا قررت اني اعيش في عالمي المعزول ده بس ده ما منعنيش اني احس بالناس واشاركهم مشاعرهم واحاول اسعدهم
لاني اكتر حاجه بتفرحني فالدنيا هي اني اشوف الفرحه في عيون ناس بسببي
ويمكن ده اللي انا عملته من كام يوم علشان اشوف الفرحه فعيون ناس قريبه مني
بس للاسف معرفتش اشوفها
وميرسي مره تانيه عالاهتمام