Monday, July 26, 2010

انا منهم ومش منهم


يا رب حزين أنا بينهم

وأنا منهم ومش منهم

ياااااااااااااااااااااااا رب

:(

Thursday, July 22, 2010

:|


تلتزم الصمت ...وستظل

:

Thursday, July 15, 2010

أنين .... :(

تجلس وحيده في غرفتها
لا أحد يهتم
ولكن ...
هي تهتم
نعم تهتم
تهتم بكل ما يحدث من حولها
فكل هذا بسببها
فلماذا لا تهتم أذا
تتساقط دموعها
يعلو صوتها بالبكاء
ثم تتذكر ...
لابد ان ينخفض صوت بكاؤها
حتي لا تسمع والدتها
فهي بها ما يكفيها
تعود وتكتم بكاؤها بداخلها
تبدأ فالأنين
أنين
ولكن هل يعلم باقي من فالمنزل كل ما بداخلها من تأنيب ضمير
فهم ينظرون اليها نظره المتهمه
هذه النظرات تقتلها
فتشتاق للبكاء
فتعود وتتذكر
فلا تبكي
وتعود مره أخري للأنين
تلك الأنين الذي يخنق بها
ذلك الأنين الذي يملأ غرفتها المظلمه
ولكن ليس لها سواه
سوي تلك الأنين

Wednesday, July 14, 2010

..............

ما بتتعدلش
وانا زهقت

Wednesday, June 30, 2010

Good Idea :)

ما تيجي نسمي عيالنا أرقام
ولما يكبروا يسموا نفسهم
أنا مش عايز أغصبهم علي حاجه
:)

Tuesday, June 29, 2010

:)

مرتااااااااااااااااااااااااااااااح لأقصي الحدود
:)

Monday, June 21, 2010

غريبه

وأنا قاعده دلوقتي جه فدماغي مواقف كتير جدا غريبه
مش لاقيالها تفسير منطقي
الايام اللي فاتو دول حصل حاجات كتيييييييييييير وحشه
وبعدها حصل حاجات كتيييييييييييييير برده حلوه
وبين الاتنين انا فوضت أمري لله
هو اللي بيحس بعباده
ومش بينساهم أبدا
أتعلمت حاجه صغنططه جدا في فتره من حياتي ...إن الناس ما بتعملش حاجه لبعض
الناس بتزود الهم
وإن الشكوي لغير الله مزله
بقيت بحاول ما أتكلمش مع حد
بس برده الطبع بيبقي غالب
لما بتخنق معايا شويه بجري علي اكتر القلوب اللي بستريح معاهم وأحكيلها
في الفتره اللي فالايام اللي فاتت دي ما كانش قدامي أي شئ غير إني اقول فوضت أمري إليك يا رب
اللي بستغرب له بقي فكل ده وجهه النظر الغريبه اللي دايما أسمعها من بابا وماما
واللي تقريبا سبب كتابتي للبوست ده
إن أنا فكلامي مع ماما وبابا
وأنا بقولهم أني مفوضه أمري لله
أنه زي ما ريحّني قبل كده وريّح قلبي
هيريحّني المره دي
يقوموا يردو عليا رد غريب جدا
اولا يضحكو
وبعدين يقوموا قايلين
أنت غريبه اوي يا مي
يعني أنت ما بتصليش وما بتركعيهاش
ويوم ما يحصلك حاجه حلوه تقولي كله عشان فوضت امري لله
طيب اركعيها
سمعت الرد ده واستغربت جدا واتحرق دمي
يمكن انا صحيح مش بواظب عالصلاه
ومش زي ما ماما دايما تستفزني وتقولي انتي يا بنتي بتكرهي الصلاه
أنا ما بكونش سعيده وفأسعد أوقاتي غير فالايام اللي بواظب فيها عالصلاه
انا بقي رديت وقولت بيني وبين نفسي
هو ربنا بيصد عبده اللي بيحتاجله
ربنا أعلم بالنفوس
وأعلم مين المؤمن ومين لأ
وكل واحد عارف علاقته بربه أيه
مش من حق أي حد فالدنيا يجي ويقيمها له
وكمان يقوله أن ربنا مش هيقبل دعائه
طيب علي اي أساس حضرتك تحط نفسك مكان الله عز وجل وتقيم علاقتي بربنا وكمان تقولي هيقبل ولا لأ دعائي
وعلي الرغم من ده كله ومن كل الكلام ده
أني الحمد لله دايما حاسه ان ربنا راضي عني
وبيحبني
ده احساس دايما جوايا
والحمد لله ربنا ما بيصد عبد بيلجأ له أبدا
الحمد لله خرجت من المشكله اللي أنا فيها
وبمنتهي السهوله ومن عنده هو _عز وجل _الحمد لله

Thursday, June 17, 2010

ينفع؟

ينفع أحبك من غير قلبي
!!!!!!!!!!!!!!!!!!!

Tuesday, June 15, 2010

تهييس

قمه الحب أنك ما تحسش ولو ثانيه واحده بكرهه لناس عرّفوا قلبك أيه هو الحب
قمه الرضا أنك تشوف حب الناس ليك فعنيهم
قمه الامان يوم ما تلاقي حضن مستعد يضمك لأخر يوم فعمره
قمه السعاده يوم ما يجمعك بيت باللي ياما حلمت بيه
قمه الدفا يوم ما تشوف كلمه بحبك فعيون حبيبك
قمه الحزن يوم ما تنزل دمعه من عيونه
قمه الخوف يوم ما تلاقي حبكم بيضيع
قمه الاكتئاب يوم ما تضيق الدنيا عليكم وما تكفيش حبكم
قمه الخنقه يوم ما يكون جواك كلمه بحبك ومش قادر تطلعها
قمه الضياع يوم ما تحس انه لا مفر من الوداع
***********************************************
كلام ما اعرفش لاقيتني بكتبه مش عارفه ليه ولا إزاي؟؟؟ ...بس اللي عارفاه كويس أني حاساه

Tuesday, June 8, 2010

أسألك الرحيلا

أسألك الرحيلا
لخير هذا الحب
وخيرنا
أسألك الرحيلا
*****
بحق ما لدينا
من ذكري غاليه
كانت علي كلينا
بحق حب رائع
مازال مرسوم بمقلتينا
مازال منقوشا علي يدينا
*****
بحق ما كتبته أليّ من رسائل
وحبك الباقي علي شعري علي أناملي
بحق ذكرياتنا وحبنا الجميل
وأبتسامنا
بحق أحلي قصه للحب
في زماننا
أسألك الرحيلا
*****
لنفترق أحبابا
لنفترق ونحن عاشقان
لنفترق برغم كل الحب والحنان
فمن خلال الدمع يا حبيبي أريدك أن تراني
ومن خلال النار والدخان أريدك أن تراني
لنحترق ونبكي يا حبيبي
لقد نسينا نعمه البكاء من زمان
لنفترق لكي لا يصير حبنا أعتيادا
وشوقنا رمادا
كن مطمئن النفس يا صغيري
فلم يزل حبك ملئ العين والضمير
ولم أزل مأخوذه بحبك الكبير
أسألك الرحيلا
حتي يظل حبنا جميلا
حتي يصير عمره طويلا
أسألك الرحيلا

Wednesday, June 2, 2010

Self


لا تبكي علي اللبن المسكوب

ما تبينش ضعفك لحد

عيش الواقع

إتحدي

ممكن

أنت اللي مش شايف

شغل عقلك شويه

قول ستوب لقلبك بقي

أعرف إن الارزاق متقسمه بالتساوي عالعباد

ممكن تعوض فشلك في حاجه بنجاحك فحاجه تانيه

مفيش اللي يستاهل

الشخص لما بيحاول ينسي ويقول انا هنسي عمره ما بينسي

مفيش صحيح نسيان لكن الزمن بيشغل

وأنا عايز اللي يشغلني

دور هتلاقي

أنت ضعيف

طيب ما أنا عارف

مش جديده

كل ما أقوي برجع أضعف أضعاف ما قويت

يمكن علشان ما بيبقاش من جوه

طبعا أه

سيبها للظروف

مع شويه تحدي

يمكن تروق

تروق!!!

أهه ده اللي مش ممكن أبدا

مش عارف ؟؟؟!!!؟؟؟

ممكن فعلا؟؟؟

يمكن

أنا مستني أهه


Tuesday, June 1, 2010

كان نفسي


علشان يشبهلك ...حبيته

كان نفسي اناديلك ...وناديته

كان نفسي أناديلك ...أشكيلك

أسمع منك ...أبكيلك

كان نفسي أنورلك قمري

وأعملك بأديا الشاي

أحيلك فالليل حكاياتي

وأغني لعنيك بناي

كان نفسي أضمك وبقوه

أضمك أنت مش هو

كان نفسي وجريت أيامي

وخدني البحر ووداني


كان نفسي

Tuesday, May 25, 2010

طيبتي نقطه ضعفي


تعرف لو أجرح زيّك

وقلبي يجي فصفي

مش هتشوفني تاني بعينك

بس أنا كده علي رأيك

طيبتي نقطه ضعفي

وده الفرق اللي بيني وبينك

Monday, May 24, 2010

خسرت كل الناس علشانه

خسرت كل الناس علشانه
علشانه إستحملت اللوم
إزاي بعد ده كله يسيبني
ما أتصورتش غدره فيوم
كانت روحي فأيده وخاني
رجعت روحي وهو خسرني
أنا ما ظلمتش ياللي ظالمني
يا بخت اللي بات مظلوم
أنا من قلبي بقولك شكرا يا بايعني
ما استنتش عليا كتيير
وقمت خدعني
بدعي يا ريتك بعدي تكون عايش مرتاح
علشان تبقي فحالك وفحالي تسيبني
بكره هتعرف
بكره هتندم عالماضي
بس خساره هيجري ده كله عالفاضي
أنت جنيت
ما تجيش وتقولي يا ريت
أنا دلوقتي بعيش من غيرك وأنا راضي

Monday, May 17, 2010

تناقضات

الكروان ...حين يصدر صوته الشهير بدعاء الكروان يشعرني بقمه النشوي والشجن معا لا اعرف كيف ذلك ولكنه ما يحدث حينها

Monday, May 10, 2010

عشرون عاما


عشرون عاما وأنا أحترف الحزن والانتظار

أرتقب الاتي ولا يأتي

وها انا أستوطن الفراغ

!!!!!!!!!!!

Saturday, May 1, 2010

OffLine

OffLine To My Life Now... No Feeling


Thursday, April 29, 2010

ما اقدرش اقول ...ما اقدرش ابوح


يا بخت من يقدر يقول

واللي فضميره يطلعه

يا بخت من يقدر يفضفض بالكلام

وكل واحد يسمعه

يقف فوسط الناس ويصرخ :أه يا ناااااس

ولا ملام

يجي الطبيب يحكي له عاللي بيوجعه

يكشف مكان الجرح ويحط الدوا

ولو انكوي

يقدر ينوح

وانا اللي قلبي مليان بالجروح

ما اقدرش اقول

ما اقدرش ابوح

والسهم يسكن صدري ما اقدرش انزعه
.
.
.
وعجبي

Friday, April 23, 2010

مهجوره


انا مضايقه اوي

ساعات بحس اني كويسه

بس بكتشف اني بحسس نفسي بس

هوليه مفيش حد بيسأل عليا ؟

بضايق قوي لما ببقي كده

مش عارفه ؟

يمكن يكون عيب فيا اني احس اني متجاهله من الناس

او محدش بيسأل عني

بس ما اعتقدش

لان بجد كل الناس ما بتسألش فيا ولا عليا

بضايق اوي علي فكره

عارفين انا ليه بكتب كل حاجه ومفيش حاجه بكتمها

لاني بحس اني ما حدش بيجي ويسألني مالك غير لما بكتب

ولا حد بيهتم غير لما بكتب

وانا بضايق لما بيسألوا لما اكتب

لاني ببقي نفسي يحسوا بيا حتي من سكاتي

من بعدي عنهم

حتي لو كتبت ستيتس فرحان يحسوا اني مضايقه

مش عارفه اسميها ايه ؟

ممكن انانيه

لو ان الصفه دي مش فيا

بس انا بحس بكده ومش عارفه ممكن يكون ده ايه

ممكن نقدر نقول عقده نفسيه

مش عارفه

بحب اجذب نظر الاخرين ليا

بكل الطرق وبأي وسيله

مش عارفه ليه ؟

يمكن علشان بحس بتاجهلهم ليا الزياده عن اللزوم

ا اني مش موضوع كلام بالنسبه ليهم

او مش موضع اهتمام

مش عارفه ليه صراحه

الموضوع ده فيا من وانا صغيره

بس ما حسيتش بوجعه قوي ايامها

حاسه بيه دلوقتي اوي

لاني يمكن فمرحله محتاجه احس فيها بالاهتمام من الكل الناس

احس اني موجوده

بضايق اوي لما بفضل باليوم كامل قدام اللاب توب وتقريبا محدش بيفكر يدخل حتي يسلم علي مي ويسأل عليها

طلبتها قبل كده بالتليفون والناس برده ما قدرتش

طيب الميل صعب برده

الفيس صعب ؟

مش عارفه صراحه

كنت الاول ما باخدش فبالي ولما الاقي نفسي مضايقه ادخل وافتح حوار مع اي حد عندي عالميل او عالفيس حتي لو انا عارفه انه مش عايز يكلمني

لاني ماليش لازمه عنده

بكمل برده

لحد ما زهقت من اسلوب فرض نفسي عليهم

مع اني بحب الناس اوي

بجد الناس وحشتني

انا مش بكتب كلامي ده علشان اشحت منكم السؤال

بس هو مجرد كبت وبكتبه

وعالبلوج كمان اللي ما حدش بيدخله

علي رأي واحد عملي كام كومنت كده

زي المدينه المهجوره

طيب مش كفايه ان صاحبته مهجوره

لا بلوجها كمان

علشان كده دخلت وكتبت هنا بما ان مفيش حد بيتجرأ ويدخل مدينتي المهجوره

مش عارفه انا كتبت البوست ده ليه ؟

بس يمكن حسيت انه صعبان عليا نفسي

مش عارفه

حسيت اني فعلا مهجوره

تقريبا النهارده من ساعه ما صحيت الساعه 12لحد دلوقتي وانا عاللاب توب ما كلمتش حد ولا حد فكر يكلم مي

مره كمان انا مش بقول كده استعطاف ولا اني بشحت منكم الكلام

لا

انا بس مستغربه ليه كده ؟!!!!

مش عارفه

مع اني والله العظيم بحب الناس اوي

يمكن ده السبب

اني بحبهم اوي

وانا كمان فيا صفه مش عارفه اذا كانت وحشه ولا حلوه

بتعلق بالناس اوي اوي اوي

وبعشم فيهم اكتر

اعتقد ان دول هم السبب


Thursday, April 22, 2010

ماشي كده...!!!

ايديا فجيوبي وقلبي طرب
سارح فغربه بس مش مغترب
وحدي لكن ونسان وماشي كده
ببتعد ما اعرفش او بقترب

Tuesday, April 20, 2010

Just a feeling :|


I'm suffering from hard depression now

الحب ...ماذا يكون ؟


هو علم ؟

هو حقيقه؟

هو موجود ؟

هو فعلا بيعمل المعجزات ؟

فعلا مرايته عاميه ؟

هو حاجه حلوه بجد؟

هو بيصفي النفوس ؟

طيب هو فعلا ما بيفرقش بين مستويات ؟

هو بيجي فثانيه وما بنعرفش نقاومه زي ما بيقولوا ؟

هو بيغير فعلا النفوس والناس ولا ايه نظامه بالظبط؟

هو فعلا براءه؟

هو خالي من اي كرهه او ضغينه ؟

الف سؤال وسؤال في دماغي ومش لاقيه جواب

وزادت اوي الاسئله الفتره الاخيره عندي

في بجد دلوقتي خناقه فدماغي

هو فعلا كده ؟

متحيره

كنت شايفاه كده من فتره

بس من اللي بيحصل وبسمعه عنه الايام دي فقدت الثقه فيه

بقيت حاسه انه جريمه

بقيت شايفاه حلم

بقي بالنسبه لي سراب

مش شايفه له وجود

مش حاسه بمعجزاته

حاسه ان مرايته مفتحه ومفتحه اوي كمان وماشيه بحساب وبحدود ومش سايبه جناحتها للهوي يمشيها

بقيت بحس انه حاجه وحشه وما بيحصلش من وراهاغير جراح والم وتعب

بقيت حاسه انه ما بيصفيش النفوس زي ما كنت فاهمه ولا بينشر التسامح و بقيت شايفاه حاجه كده صارمه ماشيه بقوانين

مع انهم كانوا بيقولوا عليه انه حريه !!!

بقي بيفرق دلوقتي بين غني وفقير

بين متعلم وجاهل

ما عادش بيجي فثانيه

حتي لو جه فثانيه بقي بيروح فثانيه

أكتشفت انه ما بيغيرش وانه مش زي زمان ان اللي بيدخل فيه بيغيره

وبيتغير

لا ما عادش كده

مش عارفه

بقيت متلخبطه

قولي انت عباره عن ايه ؟

انت حلم ولا علم ؟

انت حقيقه ولا سراب ؟

الحب ...ما ذا يكون ؟

أهو فراق مقنع ؟

أم ماذا ؟


Sunday, April 18, 2010

Relaaaaaaaaaaaaaax


I neeeeeeeeeeeeed this feeling sooooooo much

Saturday, April 17, 2010

كأن الضحكه بجد

وأضحك وكأن الضحكه بجد

Wednesday, April 14, 2010

حنين


يا ريتني فضلت كده


بجد نفسي ارجع تاني لراحه البال اللي كانت تملأني وانا صغيره


بجد كانت احلي دنيا


ليت البراءه تعود يوما

Tuesday, April 13, 2010

غير متوقع بالمره ولكنه مؤلم

النهارده كان يوم عصيب
كان يوم مؤلم
بجد مؤلم
مؤلم اوي
وغير متوقع انه يحصل بالمره
بعد ارهاق يوم طويل فوسط البلد مع نور
روحت البيت وانا في حاله من التعادل
لا انا مضايقه ولا انا فرحانه
عادي يعني
وفجأه حصل خناقه معاها من مفيش
اسأل نفسي ايه السبب مش لاقيه ؟
دخلت غرفتي وانهمكت في بكاء هستيري لم ابكي مثله من قبل
ابكي ويعلو صوتي من شده البكاء
واغلقت غرفتي ومنعت احد من دخولها
ويشتد صوتي من البكاء
لم اعرف لماذا حدث هذا الاشتباك
وكيف وصل الامر لذلك
وفجأه قررت التحدث معها لمراعاتي وعدم لومي لما انا فيه من توتر
فتحدثت
واسترسلت فالحديث
واسترسلت دموعي معه
فأستمعت لي
وهي صامته
وعلي وجهها ابتسامه تحاول ان تخفيها
او نظره فرحه
مش عارفه ليه صراحه
اكتشفت فيما بعد انها ما كانتش متصوره ان كل ده جوايا واني اساسا كبرت وبحب
وفرحانه بيا
وبدأت التساؤلات بداخلي
لماذا لم أري نظره الفرحه هذه من قبل
ورأيت عنف وشده
أكانت مستهونه بمشاعري ؟
فأسترسلت لها فالحديث وانهمرت دموعي وغمرتني
وأذا بها تقول لي (قومي اغسلي وشك وتعالي نكمل كلام يا مي )قامت مي
تفاجات بنفسي وانا اقول واحكي ما انا فيه من سنه تقريبا وكل العذاب الذي تسببت هي فيه لنا
واحكي واحكي
وابكي وابكي
فقالت لي جمله لطالما انتظرتها كثيرا
اتنظرتها وحلمت بها
وتمنيتها
جمله دخلت علي قلبي كالزلزال
احرقته كالبركان
قالت (اكلملك ابوكي )قالتها
نعم قالتها
ولكنها جائت متأخره
وهي ايضا مازالت لا تفهمني
مازالت لا تتفهم الموقف الحالي
والسبب الحقيقي في جرأتي لاحكي معها
لم تعرف انه قد انتهي
نعم انتهي
فأنا احكي حتي تعذرني في اوقات توتري
وتشعر بما انا فيه
وتواسيني
وتقف بجانبي
لا احكي لها لتوافق او ترفض
فقد فات اوان ذلك
وهي لم تفهم ذلك
فأنا حكيت لها لتقف بجانبي
وتتحملني
وبدون تفاصيل للكلام والحوار اللي دار بينا
انا بس فرحانه لحاجه واحده
فرحانه لنظرتها له
واحترامها له
وثقتها فيه
وكلمه قالتها عليه أحب احتفظ بيها لنفسي بس بجد هي كلمه يحملها هو بكل ما تحتويه من معني
فالاخر مش عارفه ده حصل ازاي
وليه
كانت حاجه انا مش متوقعه اني اعملها
مش عارفه
بس بجد كانت مؤلمه اوي
وحش اوي انك تفضل تتمني امنيه وتتمناها اوي ويوم ما يوت اوان الامنيه دي وما تحتاجش ليها تلاقيها بتتحقق
صعبه اوي
بس مش عارفه رغم الالم اللي ماليني من جوه الي اني أستريحت شويه
كفايه الحضن اللي كنت منتظراه من زماااااااااااااااااان اوي
اني اترمي فيه وافضل اعيط اعيط واعيط
فضلت اترمي فأحضان ناس كتير واعيط لناس كتير واشكي لناس كتير
بس ولا حد قدر يوصلني للاحساس اللي انا حاساه وشويه الرراحه اللي انا فيها دي
حتي لو الراحه دي هتبقي مؤقته بس بجد كنت محتاجاها ومنها هي بالذات
كان حضن جميييييييييييييييييييييل
ريحني كتييييييييييييييييير اوي

Sunday, April 11, 2010

اعتراف منها بذلك

بقولوا عليها مش ملحلحه عشان تخليه يحبها

انا معاهم

اذا كان هي كرهت اللي حبها فيها من برودها

امال هتعمل ايه في اللي هيجي من غير حب

ماهي لو ملحلحه زي ما بيقولوا هتقدر تخلي الحجر يلين وتحبب فيها الشخص اللي هيجيلها

بس للاسف هي مش كده

بس انا اعتقد انها اتعلمت كتيييييييييييييير اوي

وان مفيش حد بيتعلم ببلاش

صحيح هي اتعلمت في حد مالوش ذنب

وتعبته معاها كمان

بس اهي اتعلمت

بس هي برده معذوره

ماهو اول حد تتعامل معاه اساسا

عمرها اصلا ما كلمت ولد عادي حتي كأصحاب

ما بالكم بقي حب وكلام من ده

كانت بتخاف

بتخاف اوي

بتخاف جدا

مع ثقتها المتناهيه فيه الي انها كانت بتخاف من الكلمه حتي

وبتعمل حساب الحرف قبل ما تقولوا

اتربت علي ان الولاد دول اعداء

انا مش بلتمس ليها عذر ابدا

لان ده مش ذنبه

لا

انا بس بوضح موقفها

حتي لو علي خطأه

بس هو مجرد توضيح

لكن هي غلطانه

بس اعتقد انها دلوقتي اتعلمت اوي

اتعلمت جدا

بس اتعلمت فشخص مالوش ذنب فالدنيا غير انه حبها بجد

وهي بأفكارها -اللي هي مش ذنبها برده- ضيعته

بس هي قالتلي انها حاسه بالذنب الفظيع

فضلت تعذب فيه وكل ما يتقفل الموضوع تفتحه

وتجرح فيه بكلامها

وهو عمره ما فكر يجرحها

مع انه بمنتهي البساطه كان ممكن يجي ويقولها انتي كرهتيني فيكي وانا ما بقتش احبك

الي انه فضل محترم احاسيسها لاخر لحظه

وعمره ما جرحها واللي كان بيريحها كان بيعمله

وهي مصره تجرحه

وتحسسه انه هو الظالم الأسي الاناني

وهي الضحيه الملاك البرئ

بس لما قعدت مع نفسها وفكرت واسترجعت شويه حاجات عرفت ان الغلط كان راكبها من ساسها لراسها

وان هي السبب في هدم الحب ده كله

وعدم احساسها هو السبب

وفضلت تجرح فيه

تجرح فيه

من غير ادني شعور

وتقول انه كان اناني في اسلوب الانفصال وكلام تاني كتير

بس اللي وضح قدامها بعد كده كان غير كده خااااااالص

كان تقريبا هو احسن تصرف عمله

وهي نفسها لما حست مجرد احساس فيوم مالايام انها مش بتحبه او يعني اتسرعت عملت زي ما هو عمل بالظبط

يمكن اللي خلاها ترجع ان هي كان غلطانه في تقييم مشاعرها وان هي كانت بتحبه بجد

طيب لما هي عملت زيه

جايه دلوقتي تلوم عليه ليه

ماهو لازم بعد ده كله تحس بالذنب

لا

ده لازم تروح اساسا تولع فنفسها علي كل لحظه عذبته فيها وهو معاها وبعد ما سابها كمان

وفأخر الكلام احب اقول ان مفيش حد بيتعلم ببلاش

واحب اقولك ان بأعترافك ده اتعلمتي واتعلمتي كتيييير كمان

Friday, April 9, 2010

plz..forgive me

I'm really sorry
plz forgive me
I'm really feel with agony when imagine the pain & agony that fill you becuase of me
plz forgive me
I feel pain in my conscience
my hope is remember me with good
Don't imagine that i hate you in any time
I realized the reality too late
forgive me
plz
forgive me
and remember me with good
finally
I wish you a happy family life with the girl you love with god willing

Wednesday, April 7, 2010

أراك صدفه


الحزن

هو أن اراك صدفه

وأن يجمعني بك الطريق ذات يوم

فأراك بصحبه غيري

يدك في يدها

تنظر الي فلا تعرفني

وعمري خلفك يناديك فلا تسمعه

Tuesday, April 6, 2010

SaAaAaAaAaAaD :(


يا حزن ليه ساكن ملامحي وبقيت كأنك حته مني

Sunday, April 4, 2010

:|


عجبت منهم !!!! حكمه هي أم تجلد...؟؟؟

Saturday, April 3, 2010

:(:(:(:(

يااااااااااااااااااااااااااااااه
قد كده تقيله
أذا كان أنا ما استتقلتهاش
في وقت المفروض ما كنتش افتكرها أساسا
ياااااااااااااااااااااااااااااااه
قد كده منسيه
:(
:(
:(

نفس عميق

لاقيتني باخد نفس عميق وبقول
مش محتاج اتوب
عن ايه ؟
وليه ؟
وامتي ؟
وازاي؟
مش عارفه

Friday, April 2, 2010

:(

تستشعر الأسي من نظراتي ...وأستشعر الألم من نظراتك
:(

مش عارفه ده أيه؟؟؟...:(

ساعات عيوني فالأسي تفرح وساعات فساعه الفرح منوحه

تغمرني الدموع

تغمرني دموعي
بقالي كتيييييييييييييييييييييييييييييييييييير ما فرحتش من قلبي بجد
وحشني اوي الاحساس ده
يمكن اليومين اللي فاتو دول قلت اكدب كدبه علي نفسي واصدقها يمكن تقلب بحقيقه معايا
وقلت البس ماسك الابتسامه والفرح
بس للاسف انا ما بحبش الكدب
وما عرفتش اصدقها
بقت حياتي كلها عباره عن دمعه كبيره
ساعات اضايق من نفسي اوي واقول لحد امتي هفضل مسوداها كده
واقول علي نفسي اني غاويه حزن
بس والله ما بأيدي
عارفين لما الواحد يحس انه مش لاقي حد معاه ولا جنبه
حاسه بوحده فوق الوصف
مش قادره اوصفها
لان الحاجه اللي بتتوصف دي بتبقي حاجه عاديه طبيعيه
لكن اللي الاحساس اللي انا فيه ده غير طبيعي بالمره
مش عارفه اخرج منه ولا اخرجه هو مني
عارفين
هو أحتلني
ايوه أحتلني
عارف لما كل يوم تنام ودموعك علي خدك كده ومفيش حد يسألك حتي مالك
ولا اصلا بيحس بيك
اهم حاجه انهم بيشوفوا مي وهي لابسه ماسك الابتسامه الكدابه بتاعتها دي
محدش بيحس بمي من جوه
يعني الفتره اللي حاولت اكدب فيها علي نفسي والبس ماسك مش بتاعي اساسا
الناس فرحت اوي وقالت اخيرا يا مي
ومحدش حس بمي من جواها
وحس بفيضان الدموع اللي مغرقها من جوه
وحس قد ايه هي بتتعذب وهي بترسم الضحكه وهي جواها شجن وحزن هي مش قادره عليه
حاه اني لوحدي ي ي ي ي ي ي ي ي ي ي ي ي ي ي ي ي ي ي ي ي ي ي ي ي ي ي
أه ه ه ه ه ه ه ه ه ه ه ه ه ه ه ه ه ه ه ه ه ه ه ه يا قلبي
*************************************************************
يا مشرط الجراح امانه عليك
وانت فحشايا تبص من حواليك
في نقطه سودا فقلبي بدأت تبان
شيلها كمان
والفضل يرجع ليك
وعجبي

Thursday, April 1, 2010

خارج نطاق الخدمه

يتملكني الان شعور بالوحده لم اشعر به من قبل

الوحده...ذلك الوحش الكاسر الذي يصارعني بكل ما أوتي من اسلحه

ولكني لا املك من الاسلحه ولو سلاح واحد لاقتله

ذلك الوحش الذي استسلمت له بلا ادني مقاومه

بل انه اجبرني علي الاستسلام

وحتي بعد الاستسلام مازال يصارعني ويصارعني

ذلك الوحش الذي يصر علي ان ينال مني و يقتلني ويكسرني

ذلك الوحش الذي يصر علي تعذيبي

فهو لا يقتلني ويزول

لا ...بل يقتلني بسلاحه الثلم الذي لا هو يقتل ولا هو يحيي

فهو يعذب فقط

الوحده...ذلك الوحش الكاسر الذي لا يتفنن في شئ في حياته ألا في ان يميت فريسته بالموت البطئ

ويصر علي تعذيبها

فقد تعبت وتعبت من كل هذا التعذيب

أقتلني

أما ان تقتلني

أما ان تزول

فقد تعبت من غرس اسلحتك الثلمه في نفسي وقلبي ومشاعري

حتي تشوهت كل المشاعر والاحاسيس بدخلي

الوحده...ذلك الشعور الذي جعلني اشعر بأشياء تجاه من حولي أكرهه نفسي حينما اتصور انني اشعر بها

ذلك الشعور الذي حولني وجعلني لا اعرف نفسي

جعلني اتبرأ من كل تصرفاتي وأفعالي وأحاسيسي

الوحده ...فأنا اشعر بهذه الكلمه بكل ما تحتويه من معني حقا

*******************
فماذا عنك أذا انك اختفيت عن من هم حولك أو الذين يزعمون بأنهم حولك لفتره

ويهيأ لك أنك ومن اول ثانيه في غيابك عن من حولك سيسألون

عنك ويشعرون بك وبغيابك

وفجأه تري وتكتشف ان وجودك بجانبهم كغيابك عنهم

ماذا أذ انك نسيت نغمه موبايلك وكأنك خارج نطاق الخدمه أربعه وعشرون ساعه

نعم...خارج نطاق الخدمه

أنا هكذا...خارج نطاق الخدمه