صندوق ازاز

النهارده وانا ماشيه مع نور جت سيره اعياد الميلاد

فافتكرت عيد ميلادي وانه خلاص يعني مش فاضل عليه كتير اوي

بس بيني وبينكم اضايقت واتمنيت انه ما يجيش او يعني ماحدش يحتفل بيه زي كل سنه

المهم الزعل ده بان علي وشي اوي

فنور سألتني مالك يا بنتي

المهم كنت انا اساسا مضايقه وعايزه اتكلم مع حد

لاقيتني بقولها اني افتكرت عيد ميلادي ونفسي محدش يحتفل بيه

ونفسي يعدي كده زي اي يوم عادي

فقالتلي ليه كده يا بنتي ليه خير

وزعلت اوي وقالتلي ليه

ده اليوم ده بيبقي احلي يوم عند الواحد

فقولتلها اني بفكر كده مش علشان حاجه والله غير اني ما اضايقش الناس اللي عايزه تفرحني

فهي استغربت وقالتلي ليه ...وازاي

وقولتلها اني الايام دي حاسه بحاله غريبه اوي خاصه فالبيت

وقولتلها فاكره يا نور لما كنت ببقي مضايقه ولا حاجه وتقوليلي فكيها فقوللك انا بمجرد ما بروح البيت واقعد ما اخواتي بنسي كل حاجه

وانهم بنسوني كل حاجه

قالتلي اه فاكره

قولتلها اهه انا دلوقتي مش حاسه بكده خالص وما بقتش كده اساسا

بقيت حاسه اني عايشه وسطهم ووسط غيرهم فعالم تاني خالص

بقعد معاهم بجسمي بس مش حاسه بأي حاجه بتحصل حواليا

وقولتلها اني حاسه بجد بأحساس غريب

قالتلي ايه ؟

فقولتلها اني حاسه وكأني عايشه في فصندوق ازاز والازاز ده عازل كمان للصوت فوسط الدنيا دي كلها

وعايشه فالصندوق ده ولا سامعه حد ولا حاسه بحد

وما عادش حد حاسس بيا ولا سامعني

كل التواصل اللي بيني وبينهم هو اننا شايفين بعض وبس

وقولتلها لو ان حد عمل ليا عيد ميلاد والمفروض انه بيعمل كل ده علشان افرح

هيعمله ليا وانا فحالتي دي ومش هقدر احس بيهم وبفرحتهم ولا هعرف اتفاعل معاهم من ورا الازاز ده

وانا بجد حطيت نفسي مكانهم لو اني عايزه افرح حد وبعمله كل حاجه تفرحه وانا متوقعه انه يفرح وفالاخر مايفرحش فانا هزعل جدا

وانا بجد مش عايزه ازعلهم وهم عايزين يفرحوني

علشان كده عايزاه يعدي زيه زي اي يوم عادي

ده ان جه اساسا

REALLY

NO LONGER UP TO IT

:(

حاضر يا زهر

حاضر يا زهر نعمين يا زهر
عجبك كدا لعبك يا زهر
نسهر سوى نلعب سوى
تفرحنا يوم ونبكى شهر
تخصمنا يوم تصالحنا شهر
عجبك يا زهر .. أمرك يا زهر
عامل حمل وانت غول ابقى الجمل وانت الحمول
ارمى البياض او بس قول
ولا عشان انا عندى صبر
امرك يا زهر .. حاضر يا زهر
يا ابو الف وش والف عين والف ضحكة ملونين
وراك وراك .. وخدنى فين
انت دلال ولا انت امر
أمرك يا زهر .. حاضر يا زهر
انا بموت فالاغنيه دي اوي وفي ناس كتير بتسغرب اني بحبها
وبتقولي انتي بتتأثري بأيه فيها
بس انا شايفاها غير كده خالص وشايفاها مؤثره جدا ومعبره كمان
علي عكس مانتم شايفين
بحس كده ان الزهر اللي بيغنيله الكنج ده زي الدنيا كده
طيب جرب كده شيل كده كلمه زهر وحط كلمه دنيا وشوف هي دي الدنيا ولا لأه
هي الدنيا فعلا
مش ثابته علي حال ولا عمرها بتصالحنا علي طول ولا تخاصمنا علي طول
ولا تفرحنا علي طول ولا تبكينا علي طول وهكذا فكل الاغنيه
علشان كده دي من اكتر الاغاني اللي بحبها لمنير
وفالاخر احب اقول حاضر يا دنيا نعمين يا دنيا

النهارده

الحمد لله

اليوم النهارده عدي علي خير الي حد ما

اصلهم فضلوا يخوفوني منه

من غير حتي ما يعرفوا هو ايه سببه

هو صحيح انا عملته علشان اشوف الفرحه في عيون ناس انا تعبتها كتير

يمكن انا ما شفتهاش بالدرجه اللي كان نفسي فيها

بس المهم اننا كنا مع بعض

فرحانين بقي او مضايقين المهم اننا مع بعض

صحيح كان في هدف نفسي اوصل ليه واشوف ولو شويه فرحه صغيره في عيون الناس دي

بس يالا معلش المهم اننا كنا مع بعض وكنا بنتكلم زي زمان

المهم اننا اتكلمنا النهارده في كل حاجه

والانكماش اللي بيبقي موجود فينا لما نقابل بعض الي حد ما ما كانش موجود

بس كان نفسي مرمر تبقي موجوده هي كمان

بس معلش يا ست مرمر تتعوض بقي

وفالاخر بتمني يكون الفرحه وصلت قلوبكم النهارده ولو واحد علي مليون من اللي كان نفسي فيه

صحيح انا ما شفتهاش في عيونكم

بس اتمني انكم تكونوا اتبسطم

بكره....؟؟؟؟

بصوا يا جماع انا هبتدي الكلام معاكو اني كنت فحاله اكتأب صعبه اوي ويا مكتر الحالات دي عندي الايام دي

ففوسط الحاله دي طقت فدماغي فكره اعملها

وكان كل قصدي فعلا اني اخرج الناس اللي تعبوا حواليا بسببي من الحاله اللي هما فيهم

فجه فدماغي فكره كده وقولت اعمل حفله عليها

يعني اخترعتها علشان نتبسط بدل جو االكأبه اللي بقالنا كتير عايشين فيه

بس اللي حصل بقي وانا فعلا كنت مبسوطه وانا بقولهم كده

ان كل واحد شككني فنفسي

وكل ما اقول حد فضل يقولي ربنا يستر

وخوفوني

خفت لاكون باللي هعمله ده اكون هضايق حد من غير محس

مع ان كل قصدي فعلا اني لفرحهم مش اكتر

بس تقولو ايه بقي

فضلوا يشككوني فنفسي

ويحسسوني ان اللي هعمله ده وجو اللمه اللي هنبقي فيه هيجرح ناس كتير

بطريق غير مباشر طبعا وفضلت احسبها ميت حساب

بعد ما كنت هعمل الحكايه دي بكل تلقائيه

بقيت خايفه لاجرح حد

فاللمه دي

مع اني والله العظيم ما اقصد غير اننا نجمع تاني

ونفرح

بس

ومش قصدي اي جرح وحزن ولا اني اضايق حد

بس خلاص

يا رب فعلا ده اللي يحصل بكره وما يحصل حاجه غير اننا نفرح

او يعني هما يفرحوا

هو ده هدفي والله

مش مهم انا افرح ولا غيره

ما عادتش فارقه معايا كتير

بس بجد نفسي افرح الناس اللي تعبوا بسببي

مجرد صوره ...لكنها تحمل الكثييير

الصوره دي اخر اصدارات الكأبه وانا قاعده دلوقتي حالا طق فدماغي ارسم القلب ده علي ايدي وصورته من عاللاب عادي علي اساسا انها مجرد صوره بس مالاقيتهاش مجرد صوره لا دي قصه حياتي ومأساه حياتي القلب ده قلبي المكسور من اقرب الناس لقلبي ايدي معكوسه كده زي حياتي دايما جايه معايا بالعكس عمرها ما مشيت زي ماناعايزه انا اجي كده هي تيجي كده واللي علي ظوافري ده لون حياتي كان في نقطه بيضه في حياتي وبعدين السواد غطي عليها والسواد اللي ورا اديا ده هي قلوب لناس اللي ماعدش فيهم حد قلبه ابيض اللهم نادرا...كله قلبه اسود معايا طبعا هتسألوا وتقولوا انتي قولتي ان كل تفصيل الصوره دي بتدل علي مأسي في حياتك هتسألوا عن الخاتم يااااااااااااااااااااااااااااااااااه ده بقي اكبر مأساه فحياتي كلها اكبر صدمه فيها ده اللي كسر قلبي اللي انتم شايفينه ده اللي خلي حياتي سودا زي ما قولت ده اللي بسببه عرفت ان في قلوب لناس كتييير سودا ...او يعني أسيه مش لازم اقول ايه حكايه الخاتم ده بس هو اكبر مأساه فحياتي شفتوا بقي هي مش مجرد صوره ازاي للعلم "والله العظيم وانا بصور الصوره دي كنت بصورها علي اساس انها مجرد رسمه قلب مكسور ...بس تقولوا ايه بقي في هلاوس الاكتأب"...ا

public du logement

j`adore public du logement

ما بقاش في حاجه تفرحني

مش عارفه ابتدي كلامي منين

بس اللي انا عارفاه كويس ان ما بقاش في حاجه تفرحني

مش عارفه ليه

عمري ما كنت كده في يوم مالايام

كنت دايما سهل اخرج من زعلي واكتأبي

وابسط حاجه ممكن يعملها اللي قدامي علشان يفرحني بفرح بيها جدا

بس بجد ما بقاش في حاجه تفرحني بقالي بتاع شهر كده في صراع مع نفسي الحزينه الكئيبه

وبحاول افرحها واخرجها من اللي هي فيه

بس مش عارفه

بخرج لساعات فقط

وبرجع تاني

ما اعتقدش انه بيبقي خروج من الحاله

هو بيبقي هروب منها بس

وفعلا الاسبوعين اللي فاتو دول كنت الي حد ما خارج نطاق الكأبه والحزن الي حد ما

او زي ما قلت في هروب منها

تعبت مالحزن

بس مش عارفه اسيبه

او يعني المعني الاصح ليها ان هو اللي مش عايز يسيبني

زهقت منه بجد

كنت دايما اقول الناس اللي علي طول في فرحه وبيضحكوا دول ما بيملوش من حياتهم

لازم الواحد يحزن علشان يعرف يعيش

والا يبقي ملل لازم يدخل الحزن عالفرح

ولازم يدخل الفرح عالحزن

بس اظاهر اني كنت بنكر نعمه الفرحه الدائمه ومش عاجباني

فربنا قرر يديني نعمه الحزن الدائم

بس انا زهقت بج

د ما بقاش في حاجه تفرحني

كل حاجه بتحصل حوليا بقت عااااااااااااادي جدا

بقي عندي حاله من التبلد

اه والله

ما بقاش في حاجه تفرحني

عفواااااااااا

عفوا

لقد اسقطك في اختباري من قبل ان ادخلك به

عفوا

لا استطيع القول غير ذلك

ولي اسبابي الخاصه

لن اتعمد في لحظه من اللحظات ان اجرحك

ولكن ....

هذه هي ظروفي

فان احببتني فعليك ان تتحملها

خلص الكلام

عفوا

my quiz

موضوع تحت جهاز كشف توافق الشخصيات

ان نجح بامتياز يقبل

غير ذلك فيرفض

ذلك مع غياب القلب تماما

و بعد النجاح بأمتياز يتدخل القلب

لما تخلص امتحانك يا بابا ابقي ادخل قلبي

حكايه مشجع ...اتحرق دمه

انا هبتديلكم حكايتي من قبل الماتش بتاع امبارح بساعات ...كان يملأني التفاؤل ككثيييييييير من المصريين وكنت قد قررت ان اراه انا وعائلتي مع اولاد خالاتي اللي انا برتاح معاهم ...يعني نوع من اواع اللمه والتجمع يعني ....وخلاص قرب الماتش يبدأ وقعدنا مركزين اوي وحاسين كده ان متخبنا هينزل ياكل الملعب ونجيب هدف من اول دقيقه ...مر الوقت وانا كلنا هننفجر من اللي جوانا من خوف وغضب وقلق وكل حاجه وكل واحد وشه ده قلب احمر دم ...والدم طلع فنفوخنا ....وبرده مش راضيين نفقد الامل ...ده احنا جيبنا الامل لتمنيين مليون مصري فأخر دقيقه يا شيخ ...بس خلاص بدأ وقت بدل ضايق وانا قربت انفجحر وعنيا دمعت وخلاص كنت هيعط وفجأه انتهي الماتش ...وعينك ما تشوف الا النور فضلت متنحه ومبلمه كده موش مصدقه اللي حصل وعنيا بدأت تنزل شلالات من الدموع ....وخلص الماتش وانا مخنوقه من حاجات كتييييييييييييييييييييير كانت سلبيه فمنتخبنا وفضلت اشتم فيهم كتير ...فعلا استفذوني ...الفرقه بتلعب من غير خط وسط ...ويعني ايه فرقه مغلوبه وشغاله دفاع بس مفيش هجوم ....وكل واحد يطمع فالكوره لنفسه فتتاخد منه فالاخر برده طيب ماهي معاك وزميلك قدامك طيب ما تباصيهاله...لأ ازاي لازم يطنططوا شويه لحد ما يجي واحد ويلهفها منه ...والادهي بقي اننا نسبه الاستحواذ عاليه جدا لينا وكنا ماسكين الكوره علي طول ....بس صراحه نسبه البطء كانت اعلي واعلي ....ايه البطء ده يا شيخ ...يا ابني دي مباراه حاسمه هزوا نفسكم شويه ....لا حول ولا قوه الا بالله ...قلنا الشوط التاني المعلم حسن هيطلع اللي فجرابه ويورينا الشغل ...بس اظاهر انهم خلاص ....بس بر ده ما اقدرش انكر ان الشعب والمنتخب الكلاب دول اللي هم واخدين كورسات وتدريبات ازاي يضيعوا فالوقت ويوتروا فريقنا ..حسبي الله ونعم الوكيل ....المهم الماتش خلص وانا جوايا التعليقات دي كلها وكنت مخنوقه خنقه السواد ....اول ما الماتش خلص قفلت التليفزيون...وبيني وبينكم كنت عهايزه اخرج من اللي انا فيه ده بأي شكل كنت معزومه علي حنه واحده صاحبتي ...فقولت اقوم اروحها ...ورحت وما عملتش اي تأثير ...زي ما رحت زي ما رجعت ...ونمت وانا برده مخنوقه مالماتش والعب بتاع منتخبنا بس صحيت بقي وشفت الادهي اللي مش جابلي اكتأب ده انا خلاص كنت وصلت لاقصي درجات الااكتأب الكبري اللي عمري ما وصلتلها ...ليه ده كله ...سلاح وتقطيع ودم وتكسير ...امال لو كنتم خسرتم كان ايه المفروض اللي يحصل ...يا جماعه دي مباراه كره قدم تسعين دقيقه بين منتخبين من اللاعيبه ...مش حرب بين شعبين ...حسبي الله ونعم الوكيل فدول شعب ...شعب صراحه ابسط حاجه تتقال عليهم انهم شعب قذر ...وفي روايه اخري شعب وسخ ...واكتر من كده كمان والله انا جوايا من الشتايم فالشعب ده ما يكفيش ولا مليون نوت ...بس لولا اني عامله قدسيه لاني بنت يعني كنت فتحت ...هههههههههههههههه... بس والله اظاهر ان ما عادش في قدسيات بتحترم الايام دي ...ملعون ابو ده شعب ...دول جايين يقتلونا في بلدنا ...وبعدين ارجع واقول ان مش هما اللي غلطانين ما هون ما حدش يلاقي الدلع وما يدلعش ...التأمين كله عليهم ...وملعون ابو الشعب المصري بقي ....المهم هما يروحوا بأمان ...طيب شوف اللي يضحك ويعرفك اننا شعب ما فيش اطيب منه فالعالم كله والله ....من بعد الماتش اللي فات من تلات ايام المصريين بيشتروا فاعلام مصر ويرسموا وشوشهم ...والجزائريين بيشتروا فسلاح ابيض من مطاوي سكاكين ..دول مش جايين يشجعوا دول جايين يتخانقوا يقتلوا ...مش اكتر من كده ...دول جايبين لينا زباله الجزائر عشان يتخانقوا ...والله منظرهم فالمدرجات الاستاد ما يدلش غير علي انهم اكتر من زباله بل لو في اقل من زباله يبقي هم ...ده كفايه الالفاظ اللي بيشتوا بيها المصريين امال لو كنا كسبناهم كان ايه اللي هيحصل ...عارفين هم زي ما تقولوا كده اشتروا السلاح فماحبوش يرجعوا بأدهم فاضيه حتي لو كسبنا ...قالوا نحلل تمن الاسلحه اللي اشتريناها ....ده شعب غلاوي والله وحقود لاقصي الدرجات ...انا بس عايزه اعرف ليه ده كله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟...الف ليه وليه جوايا ...ومش لاقيه جواب ......عارفين كمان دول مش جايين مدربين علاللعب فالملعب كوره ...ده الحاج سعدان الله يكرمه مدربهم ازاي يسلبطوا ويضيعوا فالوقت ...الا حارس المرمي بتاعم اللي كنت لو اطول اقتله كنت قتلته ...بيسلبط سلبطه ...وبيضيع فالوق مش فاهمه ازاي حضرته ما اخدش انذار ...كانوا عاملين زي المثل اللي بيقول ضربني وبكي وسبقني واشتكي ...يضربونا ويوقعوا نفسهم كل شويه ويركبونا اخطاء ويضيعوا الوقت ...حسبي الله ونعم الوكيل ...وكان شكل الحاج سعدان مش مدرب اللاعيبه بس ...ده مدرب الجمهور كمان ازاي توتروهم ازاي تشتموهم ازاي تدربوهم .....بس صراحه انا اشيد له في الاستراتيجيه الجامده بتاعته ...صراحه مدرب جامد ....بس مدرب وحوش ...والله ما صل للدرجه دي عالاقل مدرب الوحوش بيرودهم عشان ما يضروش الناس ...لا ده بيعلمهم ازاي يصطادوا الفريسه وما يسيبوهاش الا وهي جثه هامده ....حسبي الله ونعم الوكيل ....وبجد بعد ما كنت نايمه امبارح مستغربه علي اداء منتخبنا ...دلوقتي عرفت ايه هو السبب وصراحه قلبي معاهم وبجد انا عاذراهم دول وقعوا في عصابه اكيد كلكم سمعتم وعرفتم عن اللي حصل بعد الماتش ...بيحدفوهم بالسكاكين ....يا نهاااااااااا ر...طيب ليه ؟؟؟؟؟؟؟؟؟؟؟؟؟...والسودان نايمه ...وكل عسكري سوداني ماسك مدفع رشاش ولا كأنه ماسك ميداليه في ايده ...طيب اتحركوا ...اضربولكم ضربتين فالهوا وقفوا بيها المهازل اللي بتحصل دي انا فالاخر مش هقول غير حسبي الله ونعم الوكيل فيكم ...ولاد .........كل واحد ليه الحريه يحط الشتيمه اللي هو عايزها انا عن نفسي هحط كل ما تشتهي الانفس ....بجد حسبي الله ونعم الوكيل في الشعب الوسخ ده والزباله كمان ...ده ايه ده يا شيخ ...لا حول ولا قوه الا بالله ...وبجد بعتذر للمنتخب عن سؤ ظني بيهم واني شتمت فيهم لان بعد اللي شفته من تعصب وجو توتر اللي بيعملوه ده عرفت الضغط اللي كانوا فيه وبرده انتم في نظري كسبتم كفايه اننا معروفين بأننا شعب طيب ربنا ياخدهم كلهم في مره واحدهكان نفسي اكتب عليهم شويه تييييييييييييييييييييييييت ..بس زي ما قولت لو حتي ما عادش حد بيحترم اي قدسيه ..انا عن نفسي هحترم قدسيه اني بنت

مصر....مصر...مصر

دايما يا رب احميها

ولفوق كمان عليها

علشان خاطرها تهون حياتنا

نموت عشان نحيها

ارض الهرم والنيل

والصحبه والمواويل

علشان بلدنا ولا حاجه صعبه

ولا حتي نعرف مستحيل

علي ارضها اتربيت

وانا مهما رحت وجيت

مفيش مثالها

ولا في فجمالها

ولا زي ناسها فيوم لاقيت

بلدي سلام وامان

مذكوره فالقرأن

علينا غاليه

ورايتها عاليه

وهتعلي بينا كمان وكمان

ان شاء الله هتعلي اكتر بمنتخبنا بعد ماتش النهارده ويا رب النصر لمصر ...ياااااااااااااااااااااااااا رب

جوايا كبت كبير ...لمين اطلعه؟؟؟؟

اطرح بين ايدكم موضوع هام جداً وحساس يمس كل بيت وكل اسرة مسلمة فى هذ العصر .. موضوع ربما لا نعرف مدى مخاطره ولا دماره الا بعد فوات الآوان .. فموضوعي هو ..
" زواج الغصب او بالاكراه "

فلنبدا اولا بالمخلوق المظلوم المخلوق المهضوم حقه المخلوق المقهور المخلوق الذى سلب المجتمع والعادات والتقاليد ابسط حقوق الا هو الفتاة ..
هذا الكائن الرقيق هذا المخلوق الجميل هذا الانسان المغلوب على امره هذا الانسان المرهف الحس والمشاعر هذا الانسان الذى هو نصف المجتمع فهى ..
الام .. الاخت . . البنت .. الزوجة
فالفتاة تمر بمرحلة المراهقة وهى مرحلة خطيرة وحرجة جداً بل و مرحلة الزواج لا تقل خطورة على تلك المرحلة فهى مرحلة تكوين الذات تكوين النفس والمستقبل تكوين اسرة فا اما الى السعادة والنجاح واما الى الفشل والدمار ومن الضحيه نعم من الضحيه الضحيه اولا واخيراً تلك الفتاة المسكينه ومن خلفها ابناءها وفلذة كبدها الذى هم نتاج لهذه الظلم الذى لم ينزل الله به من سلطان ..
همسه لكل " أب " رزقك الله بدرة بحورية فرحت بها حملتها على كتفك ضممتها لصدرك سعدت وابتهجت بها واصبحت صباحاً مساءً تشاهدها امامك تنمو وتكبر وانت بغاية السعادة تسعدك ضحكتها ويحزنك مرضها .. تركض هرعاً من العمل من الشارع من كل الامكان عندما تسمع خبراً قد الم بها كى تحملها مسرعاً الى المستشفى لا تبالى بالطرقات ولا اشارات المرور تشرى لها اجمل الملابس وولا تكتمل فرحتك باالاعياد وبالمناسبات الا اذا كانت بجانبك تضحك وتبتسم وهى تقول ابى وانت تقبلها وتحضنها ابنتى ... سيدى الاب هذه قطعة منك فا انظر ماذا سوف اكتب لك فى السطور التاليه "
سيدى الاب .. امى الفاضله
اختنا الغاليه حواء تمر بحياتها ومستقبلها بثلاث مراحل
فتاة أسعدها الحظ وتزوجت ممن ملك قلبها وفؤادها واصبح شريك حياتها.

فتاة كان قلبها خاليا قبل الزواج غير منشغلة الوجدان برجل معين فتزوجت برجل لا تعرف عنه الكثير .

فتاة ثالثة كانت منشغلة القلب والعقل والوجدان بمن ملك قلبها ثم قدر لها الله أن تتزوج رغما عنها من رجل آخر قد تعرفه أو لا تعرفه .
هذه حالات زواج النساء فى هذه ا الاطارات الثلاثة فحواء كزوجات هن بين هذه الأنواع الثلاثة .
فالنوع الأول هو أفضل وأنجح أنواع الزواج بالنسبة للمرأة والرجل أيضا شريطة أن يحافظ هذا الزوج على مكانته كفتى الأحلام في ذهن زوجته ، وهذا الأمر في الحقيقة يتطلب من الرجل الكثير من الذكاء بجانب شيء من اللباقة
النوع الثاني غالبا ما تميل فيه الزوجات إلى الخوف من المجهول . فبرغم أن الزوج تتمناه كل فتاة بلهفة لتحقيق ذاتها من خلال العنصرين الأساسيين في حياتها كزوجة وكأم داخل بيتها الجديد الا انها تخشى المجهول .
النوع الثالث فمن سماته سيطرة الأحزان على الحياة الزوجية وعلى الزوجة بصفة خاصة فهي التي تشعر أنها أكرهت على هذا الزواج أو اضطرت إليه لظرف كانت قد تزوجت مكرهة .
السوال الان الذي يطرح نفسه ؟
لماذا يتم زواج الفتاة غضباً عنها مرغمةً سواء كان ذلك بقريب كاولد العم او الخال او العمه او الخاله او احد معارف الاهل ؟
لماذا الفتاة هى الضحيه ولماذا تضحى بحياتها ومستقبلها من اجل هذا الرجل هل يستحق ذلك ؟
واذا كان لايستحق التضحيه من امثال الكثير من الرجل الذين لا تجد لديهم رجولة ولا يعرفو قيمة هذه المراة فقط هو يريد ان يروى عطشه الجنسى كالبائهام ...اعزكم الله .. فهل تدفع فاتورة هذا الزواج الغير متكافىء هذه الفتاة المسكينه وهل قرار زواج البنت ومستقبلها رهن بيد الاهل ام بيد الفتاة التى وهبها الله حق الاختيار والموافقه ؟
وهل نحن وفى هذا العصر الحديث الذى اصبحت الثقافه والمعرفه هى السمة البارزة للمجتمعات مازلنا خلف قضبان العادات والتقاليد الباليه التى لا تجر علينا الا المصائب ان لم تكن فى مرضاة الله ؟
والسوال الاخير .. يا اب.. ياو لي الامر يا منبع الحنان ومنبع الامان اقرا الهمسه المكتوبه فى اعلى الصفحه واخبرنى بشعورك وانت ترمي بابنتك وفلذت كبدك فى قيعان الظلام بعد ان وجدت الدفىء والحنان والامان فى حضنك وهى فى كنفك اليس من الاجد ان تجده وهى بعيدة عنك؟

فلماذا تلقي بها فالهلاك ...وتعود وتطالبها ببناء منزل سعيد وان تعمر في بيتها كما تقولون

هذا ظلم بيين.....هل من ظلم اكثر من هذا

هل من ظلم اكثر من تختاروا كل شئ لها وعليها هي السمع والطاعه بل العيش هانئه وان حدث غير ذلك فهي المخطئه

why the tears..........????

Why the tears...???

You want and I want and God does what he want

So, Why tears???

The tears doesn`t return what has been lost

So, You must live for your future

And, God is doing good

عادي جدا

ايوه عادي جدا

بل واكثر من عادي

بتقولي هتبعدي

ولو احتجتلك انتي موجوده

عادي جدا

يا سلاااااااااااااااااام

نفس الكلام

بس دلوقتي بقي عادي

مانا كل اللي حبيتهم بعدوا وقالوا كده برده فالاخر

انهم موجودين وقت ما احتجهم

بس فالحقيقه اننا خلاص كده دي نهايتنا

برده دي نهايتنا

ما تستغربيش

ايوه دي نهايتنا

ماهي بتيجي كده فالاول

بس بقي بالنسبالي عاااادي

ايوه عاااااااادي

مانا ياما حبيت ناس وفالاخر بعدوا

يبقي عادي ولا مش عادي

يعني زي ما بيقولوا كده جسمي نحس

ولا مره فحياتي حبيت حد وفضل معايا

فهي المره دي موجعتش

اصلي اتعودت

ابعدي براحتك وما تخافيش مش هزعل

وازعل ليه

حد بيزعل من حاجه بقت بالنسباله عاده

بغض النظر عن مرحله اعدادي وثانوي لاني ما بعترفش بصداقتها

او يعني هي كانت فاشله معايا

اما بقي من اول ما دخلت الكليه وانا عماله اخد في مقالب فالناس اللي يمكن قلت عليهم صحابي

بس يمكن ده كان سؤ اختيار مني

ويوم مالاختيار يبقي كويس

واحب حد يبجي ويقولي انا هبعد ولو احتجتيني انا موجود

ويوك ما استريح لصديق واعتبره اكتر من اخويا

يجي هو كمان يقولي انا مش بسألك مالك اصلك مش بتيجي تحكي

علي اساس ان الاخوات مش بيحسوا ببعض

وساعات الواحد ما بيحبش يحكي الا لما حد يحس بيه ويسأله

بس برده يعني وصلي فيما معناه اني انا موجود لما تحتاجيلي

وانتي بقي

اخر امل كان يمكن موجود فحياتي

واللي تقريبا نقدر نقول شويه الميه اللي باقيين فالكوبايه

اللي خلاص دلوقتي ما عادش فيها لا نقطعه ميه

وقربت تتكسر

فما تستغربيش بعد ده كله لما اجي واقولك ان كلامك ده بقي بالنسبالي عادي

وبجد مش فارقه خلاص حتي لو احتجتلك ومش لاقيتك

وليكم كلكم بجد ما عادش فارق معايا لو احتجتلكم ومالاقيتش حد جنبي

اه .....ملحوظه

انا عارفه اني انا اللي صديقه متعبه شويه وكثيره الهموم والشكوي ومعلش بقي فحظك الللي وقعك معايا وخلاكي تكرهي حياتك

بس كنت فكراكي هتستحملي شويه بس اظاهر ان زمن ايوب ده انتهي

وفالنهايه احب اشكرك واشكركم كلكم علي كل لحظه حلوه عشتها معاكم

وكل وقت صعب مر عليا وكنت واقفين فيه جنبي

بقي بالنسبالي عاده _الفراق_وقلبي متعود عليه

مجرد حنين لا اكثر ولا اقل

نعم هو مجرد حنين

نعم حنين ...لا اكثر ولا اقل

ودائما الحنين يكون لشئ قد مضي وانتهي

فانا اعلم جيدا انه قد انتهي

فانه واقع ...حتي وان كان مرير ...فهو واقع

من منا يستطيع الهروب من الواقع

من فعلها فليقل لي

نعم يقل لي

كي اهرب من واقعي

ولكنها لن تحدث

فلذلك فانا اعلم جيدا واقعي

و واواجهه

بل احاول ان اواجهه

فعليكم بالصبر

فاصبروا

بل اصمتوا

نعم اصمتوا تماما

لماذا الكلام ؟؟؟

نعم لماذا؟؟؟

كم من مره قلت لكم اصمتوا

اصمتوا

فانا اعلم واقعي جيدا ...ولا اريد من احد ان يواجهني بيه

فانه في مواجهه دائمه معي

نعم مواجهه دائمه

وكل ما انا فيه هذا مجرد حنين

نعم حنين ....لا اكثر ولا اقل

كل منا يمر بلحظات الحنين ولا احد يلومه علي ذلك

فلماذا تلوموني حتي علي لحظات حنيني

وجودكم انتم علي الرغم من انه خفف عنا الكثير الي انكم هدمتم كل ما قمتم ببناءه

نعم هدمتوه ...فلذلك عليكم ان تلتزموا الصمت

دائمااااااااااااااااا

لماذا كل ما طيبتم الجرح تعودون وتضغطون عليه وكأنكم تصرون علي عذابنا

انتم كالذي يدور في حلقه مغلقه فلا يصل لنهايه لها ابدا

فلماذا ؟؟؟

اصمتواااااااااا

فكما قلت في اول كلامي ان الحنين يكون لااشياء قد مضت ولا رجعه لها

فانا اعلم ذلك

فلماذا تصرون علي جرحي

مجرد حنين ...لا اكثر ولا اقل

ويبقي الحب

اعلم جيدا انه اذا زال الحب من قلبك ولو للحظه واحده ...انه لم يكن حب حقيقي في يوم من الايام والي كل من احب في حياته وشعر ولو للحظه واحده ان ذلك الحب قد زال فعليه ان يتأكد تماما انه لم يكن يحب حبيبه حب حقيقي ...لان من وجهه نظري ان من يحب لا يكرهه ابدا مهما كانت الظروف التي واجهت حبهما حتي وان افترقا فالحب كالبنايه ...هناك من كان اساسها متين يتحمل كل ما يقابله من صدمات وزلازل وعواصف ويصمد ويظل راسخ في مكانه لا يزعزعه شئ ابدا مهما كان هذا اشئ ...حتي وان كان الفراق وهذا هو الحب الحقيقي الذي يتحمل كل ما يوجهه من عواصف وزلازل وصدمات فالحياه وهناك النوع الاخر ذات اساس هش غير متين ينهار من اول زلزال يواجهه ....وهذا لم يكن حبا من الاساس واقولها ثانيتا ....علينا ان نعلم ونتأكد ان من يحب لا يكرهه ابدا مهما كانت الظروف....ويبقي الحب في قلبه الي الابدهذا من وجهه نظري انا الشخصيه...وقد تختلف الاراء

تعمل ايه لو كنت ....؟؟؟

تعمل ايه لو كنت مكاني
لو عايش فالدنيا وعارف انك قريب هتفارقها
لو بتتعامل مع اقرب الناس ليك وانت عارف انك مش هتشوفهم تاني
لو بتكلم صحابك هتعمل ايه بكره وانت عارف انك ممكن ما تعيش لبكره اساسا
لو القدر حكم عليك تفارق اغلي الناس عندك وانت اساسا كده كده هتفارقه ....يعني حتي استخسر فيك الفرحه في الكام يوم اللي باقيين في حياتك
لو كان نفسك وامنيه حياتك انك تكمل باقيت عمرك مع اغلي الناس عندك وفجأه ربنا اخده منك ومش كده وبس لاه وخد معاه حياتك كلها
يمكن في حالتي دي انا يمكن مش مضايقه اوي لاني انا كنت بتمني كده
بس برده صعبه عليك اوي تفارق امك وابوك واخواتك واصحابك وناس كتير انت بتحبهم
صعبه عليك اوي انك تيجي تحط راسك علي المخده وانت عارف ان ممكن ما تقومش تاني
هونها عليا يا رب
علي الرغم من اني بتمني اني اكون هوبليس كيس الي اني برده نفسي اعيش مع الناس اللي بحبهم ومش عايزه افارقهم
يا ااااااااااااااااااااا رب

شو سهل الحكي

طيرت النوم من عيوني
دمعي محا كحل جفوني
كلن قالولي مجنونه لازم تنسيه
ليكي شو بيعمل فيكي
لا يهتم ولا يحاكيكي
ما تخلي حبه يمحيكي لازم تقسي
شو سهل الحكي
مين اللي بيعرف فقلب التاني شو في
شو سهل الحكي
انا لولا وجوده بعمري عمري بينطفي
مر الشتي والصيفيه
وبعده بيعذب فيا
حتي الحجر حن عليا
صار يواسيني
لاموني هالعالم كلا
وقالولي عنه اتخلا
غيمه راح تمر ان شا الله مانو ناسيني
شو سهل الحكي
مين اللي بيعرف بقلب التاني شو في
شو سهل الحكي
انا لولا وجوده بعمري عمري بينطفي
طيرت النوم من عيوني
ودمعي محا كحل جفوني
كلن قالولي مجنونه لازم تنسيه
ليكي شو عم يعمل فيكي
لا يهتم ولا يحاكيكي
ما تخلي حبه يمحيكي لازم تقسي




وبعد كل هذا استطيع ان اقول .....شو سهل الحكي فعلا
اسهل حاجه فالتدنيا هي الكلام
انك تلاقي حد تعبان فعلا ويمكن يكون مجروح فتقوله يا شيخ روق وكل حاجه تبقي كويسه ...سهله اوي
انك تواسي شخص ...برده سهله اوي
انك تلاقي حد قريب منك اوي في ازمه فتقوله يا شيخ انسي ...سهله اوي
انك تجرح قلب بمجرد كلام لان الكلام ده اسهل حاجه ...برده سهله اوي
انك بعد ما تجرح القلب ده ترجع وتقوله اسف ...اهه برده كلام ....برده سهل اوي
انك تعمل اي حاجه فالدنيا مباحه ليك ...وساعه ما يحصل اي مشكله ابسط حاجه بتلجأ ليها هي الكلام ....برده سهل اوي
يمكن عشان طبع البشر هو الكلام مش عارفه ليه ...بس انا ممكن من الناس اللي بتعمل كده بس بقدر الامكان بحاول ما اعملش كده ....عشان كده بلتمس الاعذار لناس كتير عملت فيا كده ...بس بجد اصعب حاجه فالدنيا انك تنجرح وتتعب وتيجي تلاقي واحد جاي عليك يقولك انا اسف والتاني يقولك انسي ولا يهمك والتالت يقول ده ما يستهلش ويفضل الناس كده تتكلم من غير وجهه حق ...طيب انتم عملتم فيا كده خلاص سيبوني فحالي بقي ...بجد انا وصلت لدرجه مش عايزه حد يكلمني ولا اكلم حد نفسي ابعد عن الناس وعيونهم وكلامهم اللي ما بيخلصش اللي قبل ما يقولوه بلسانهم انا بقراه في عنيهم ....اسئله كتير كل واحد يشوفني عايز يسألهالي ...وكل ما هب ودب بيدخل في اللي ما لوش فيه واللي يقولي معلش واللي يقولي حصل خير واللي يقولي ربنا عايز كده ....بجد انا مش عايزه اكلم حد ...ولا عايزه كلام من حد ....علي الرغم من اني عارفه ان تلت ارباع الناس دي فعلا بتحبني وخايفه عليا ومش في اديهم حاجه غير الكلام ده والربع اللي فاضل ربنا اعلم بيه بقي ...بس معلش يا جماعه انا تعبت من كلامكم ....نفسي ما اسمعش كلام ناس تاني ولا تعليقات ولا نصايح ولا مواساه ...تعبت بجد ...سيبوني في حالي ...علي الاقل اليومين دول ...تعبااااااااااااااانه ....عايز كل واحد يبقي مبدأه معايا .....نوووووووووووووووو كومنت...خلينا متفقين ....خلاص ......وسلام بقي عشان انا طولت عليكم وكلامي كان غلس انا عارفه بس استحملوني ...مش انتم اصحابي ولو انتم مش استحملتوني مين هيستحملني
سلاااااااااااااااااااااااااااااام

شو سهل الحكي

بابا...قالي كده

ازيكم يا جماعه ...انا امبارح كنت قاعده مع بابا قاعده من ضمن المرات الجميله اللي بقعدها مع بابا لان بجد ببقي مبسوطه جدا لما بقعد مع بابا وادخل معاه من موضوع لموضوع كده ...يعني زي ما تقولو بستريح نفسيا ...وخاصه ان بابا فكره قريب ليا الي حد ما وبيفهمني اوي ...عشان كده بحب اتناقش معاه في كل حاجه فالدنيا .....المهم امبارح واحنا بنتكلم خدنا الكلام للصفات اللي المفروض تبقي فالواحد فالزمن ده والصفات اللي المفروض الواحد يتخلص منها حتي لو كانت صح ده بس فالزمن ده المهم كان بيحكيلي موقف مع واحد صاحبه فقولتله يا بابا المشكله انك صريح اوي وطيب زياده عن اللزوم وبتفرض الناس كلها ملايكه وعمرك لو اتعاملت مع حد تتصور انه ممكن يبقي وحش او حتي ممكن يعمل حاجه فيك وحشه قالي ده صحيحفقولت بس دي مشكله يا بابا وانا فعلا للاسف واخده الصفات دي منك اللي هي كانت سبب جرحي كتيير في تعاملاتي مع الناس ...وسبب انخداعي فيهم ....سواء اصحاب او قرايب او احباب ...اي حد بقي فقالي انها مشكله فعلا ولازم الواحد يغيرها قولتله يا بابا انت عارف اني ما كانش ليا تجارب او تعاملات مع الناس لحد تالته ثانوي كده فيمكن ده اللي ما خلاش عندي خبرات فالحياه ومع الصفات دي خلاني انجرح اوي في السنتين اللي عشتهم فالكليه واتعلم قد ما اتعلمت واتجرحت في حياتي كلها عشر مرات قالي يا مي ما هو الواحد بيعيش عشان يتعلم وادي الدنيا ماشيه واحنا بنتعلم فيها ومنها قولتله عندك حق يا بابا بس في اخر كلامي قولتله اني اتعلمت علي قد ما اتعلمت وغيرت فيا بعض الصفات دي بس الا صفه واحده قالي ايه هي قولت اني بعتبر اي حد بتعامل معاه ملاك وعمره ما هيجرحني ولا هيغلط فيا ولا هيعمل حاجه تزعلني فيوم مالايام وحتي لو عملها بفضل التمس له اعذار ...وده لاني لما بحب يا بابا بحب اوي ...بس مشكلتي لما بفوق وبيفيض بيا ...بكرهه اوي ...بس برده كرهي علي قد ما بيوصل ما بيوصلش لدرجه حبي ليه الاولي ...بس ما بيبقاش كرهه بمعني كرهه واني اتمني شر للشخص ده ...لاني من انصار مبدأ اللي يحب عمره ما يكرهه ...بس زي ما تقول بحب اقطع معاه يعني انت فحالك وانا فحالي فرد عليا بابا وقالي ما ينفعش يا مي الاسلوب ده قاللي ماشي افرضي حسن النيه وكل حاجه بس نصيحه مني _وفعلا قالي اجمل نصيحه _عمرك ما تعيشي فحياتك تحبي اوي او تكرهي اوي ...لازم تحبي شويه وتكرهي شويه ...عشان ما تتعبيش وتنجرحي كتير لانك كده هتتجرحي كتير وقالي مثال اني ما ينفعش افضل كده يعني مثلا لو حبيتي حد والحد ده فارقك لاي ظروف بأيده او لاه لظروف خارجه عن ارادته او لاه هتموتي بعده ....صراحه انا سكت قالي ولا الشخص ده مات ...هتتعبي طبعا يا مي لو فضلتي بنفس الاسلوب ده فحياتك لازم تتغيري يا مي بس خلاص كلامي خلص

لو اعيش معاك

ياه لو اعيش معاك باقى الحياة

وفحضنك عمرى اكمله

ياه اهو ده اللى انا عيشت بتمناه

واكتر من اللى اتخيله

ششايفاك بعنيا ومن حياتى خدتنى

لمساك بايديا وغصب عنى وحشتنى

مبقاش فى غيرك فى الحياة بيهمنى

لا انا مش هقول على اللى انا حساه

احساس جديد انا بعرفه

لا فى كلام بيتوه ويزيد معناه

ياحبيبى لما بنوصفه

نتكلم ليه وليه نضيع وقتنا

ده هوانا حبيبى حاجة اكبر مننا

وانا لو هقول محتاجة اعيش مليون سنة

وياة

اغنية جامدة اوي لعمرو دياب_ الهضبة _بجد عمرو دة مفيش اغنية وقعت منة ,وجت

اغنية وياة دي اغنية حلوة جدا جدا ,وكلامها تحفة اوي والله العظيم انت جامد اوي

يا عمرو...وبردة باقي البوم تحفة بس الاغنية دي انا حبيتها كدة من اول ما سمعتها

يمكن عشان شبهي شوية ,اة والله بجد الاغنية دي فيها شبة مني....بس في الاخر دي

اغنية جامدة ودة كلامها

ده الي كان نفسي فيه

لو تيجي صدفة تجمعني بيه

فرصه عمري أضيعها لية

مش معقول

عيني قدام عينيه

اكتر من الي حلمت بيه

جي اليوم الي أنا مستنيه علشان اقـول

وياه الحياة حتحلي وانا معاه

هو ده الي انا بتمنا

و اللي عيني شايفاه

احساس انه احلي و اغلي الناس

خلي قلبي يقولي خلاص

اهدي بقي لقيناه

ايوة هقول و اعيد

ما هو بقي جنبي ومش بعيد

فرحة قلبي كأنه عيد مستنيه

يلا اهو جه الاوان

مش هستني ليوم كمان

لازم اقولو انا من زمان عيني عليه

وياه الحياة حتحلي وانا معاه

هو ده الي انا بتمناه

و اللي عيني شايفاه

احساس انه احلي و اغلي الناس

خلي قلبي يقولي خلاص

اهدي بقي لقيناه

دة اية اللي بحس بية

دة اية اللي بحس بية وانا بين ايديك عملت ايةاحساس جميل واخدني ليك

اغمض عيني اشوف صورتك تجيني في المنام

واقول خيال اصحي الاقيك

حياتي كلها مين الليلادي هتبتدي

و اهو هو دة اللي حلمت بية من قد اية

عيونك شوفتها نستني انا ياحبيبي مين

وياك لقيت حلم السنين اخبي لية

بعيد او بين ايديك انا ببقي حاسس باللي فيك

واسرح اوام في اللي احنا فية

يا أية من الجمال جنبك لقيت القلب قال كل الكلام اللي مدارية

مغلق

مغلق للامتحانات.

قويني بيك....

عايشة ليك عمري ايه لو مش وياك

أيوة عايشة عشان بهواك

كل حلم لقيتو معاك

بيك الحياة يا حبيبي حياة والي قبلك مش فاكراه والي بعدك مش عايزاه

عايزة اعيش عمري بيك

وانسي خوفي وانسى ضعفي بين ايديك

قويني بيك قوي قلبي عشان يعيش

عمري بعدك ما يساويش

من زمان أنا بستناك

قويني بيك

عايزة جوة عينية داريك

عايزة اعيش لك واموت فيك

عمري ايه لو مش وياك

كل يوم عشتو قبلك عمر وراح

جوة حضنك انا برتاح والي عدى خلاص نسياه

ايه أحلى من الي معاك عايشاه

والي وانا جمبك حساه

كنت قبلك مش عارفاه

مش هكون إلا ليك

كل حاجة حبيبي فية بتناديك

قويني بيك

قوي قلبي عشان يعيش

عمري بعدك ما يساويش

من زمان بستناك

قويني بيك

عايزة جوة عينية داريك

عايزة اعيش لك واموت فيك

لو مش وياك

قويني بيك

قوي قلبي عشان يعيش

عمري بعدك ما يساويش

من زمان بستناك

قويني بيك

عايزة جوة عينية داريك

عايزة اعيش لك واموت فيك

عمري ايه لو مش وياك

....عاشقة وبدوب.....

عاشقة وبدوب وبحن ليك ,عشق القلوب كلة في عنيك,القلب شاف احلامة بيك ,لو قلبي خاف هيخاف عليك,وياك بعيش اجمل غرام ,مايكفنيش كل الكلام ,عشان اقول بحس بية لازم اقول حبيتة لية,بتحبني... مستني اية... لو شوفتني هتقولي اية ...عشقاني موت... واقول انا يا واحشني موت ...ما انت انا,انا ليا فيك اكتر ما ليك,خليك معايا حرام عليك,خليني احس بشوقي ليك,انا بنسي روحي بين اديك,احساسي بيك احساس اكيد ,وفي كل ثانية هواك بيزيد ,ازاي اعيش وانت بعيد ,وتسيبني قلبي يعيش وحيد ..........خليك جنبي يا حب العمر

حاسس بخوف عمال بيبعد قلبي عنك

حاسس بخوف عمال بيبعد قلبي عنك معرفش ليه مبقتش حاسس حاجة منك وكتير بكون انسان غريب و انا جوا حضنك و انا جوا حضنك وبشوف كلام في عنيك ملوش غير معنى واحد ... ان النهاية لكل حاجة بينا جاية" فاكر زمان انا وانت كان احساسنا واحد .... دلوقت وانت معايا برده بعيد عليا" ...ايام سنين وانا عشت سايب روحي عندك وماجش في بالي ان انت تقسى وتسنى وعدك شئ مستحيل اتخيل الايام في بعدك ولا لحظة بعدك وبشوف كلام في عنيك ملوش غير معنى واحد ... ان النهاية لكل حاجة بينا جايةفاكر زمان انا ونت كان احساسنا واحد .... دلوقت وانت معايا برده بعيد عليا

انواع الحب....انت فين منهم...

النوع الاول:

هناك من يحبك بجنون ويسعى جاهداً لإصابتك بهذا الجنون ولا يستوعب رفضك لمشاعره بهذه السهولة فيحاصرك بسيل من المشاعر الغير مرغوبة ويمارس عليك الغيره غير المباحة فيكتفي بحبه لك ويحملك جميل هذا الحب ويجب لزاماً عليك أن تحبه وإلا نعتك بصفات مرفوضة إنسانيا ً

النوع الثاني:

هو من تحبه أنت بجنون فيكون مصيبتك العظمى حين يدرك حجم هذا الجنون فيتفنن في إيذائك وكأنه ينتقم منك لأنك أحببته فيتمادى في إيذائك ليذيقك مرارة حبك وافتقاده ويتمادى في الهجر والصد

النوع الثالث :

هو من يحبك بصدق فيعاملك معامله الود يحبك بصمت ويحترمك بصمت ويتمناك بينه وبين نفسه يمنعه اعتزازه بنفسه من الإقتراب منك إذا كنت مشغولاً بغيره فيكتفي بالحب من أجل الحب ويحتفظ بك صورة جميلة في ذاكرته

النوع الرابع :

هو من تحبه أنت وتبادله شعوره فيضمك إلى ممتلكاته بإسم الحب يحاصرك بغيرته فيسجنك بدائرة الممنوعات يحسب عليك أنفاسك يحاسبك على أحلامك ويسلبك حتى أبسط حقوقك وهي التعبير عن شعورك تجاه الآخرين فتعيش في صراع دائم .

النوع الخامس:

هو من يغادر حياتك فيترك ورائه فراغاً باتساع السماء فتحاول جاهدا ملئ الفراغ فتتعرف على من يستحق ومن لا يستحق وتقع في المشاكل النوع السادس:

هو من يجعلك تندم على معرفته فيسقيك الإحساس بالألم والندم معاً ، مواقفه تخذلك وتصرفاته تخجلك

النوع السابع:

هو من يطيل الإنتظار أمام بوابة أحلامك ؛ وإذا سمحت له بالدخول خرب في مدينة أحلامك وشوه أجمل الأشياء بقلبك وتركك نادماً على معرفته

النوع الثامن:

هو من يدخل حياتك بلا إستئذان ، يقدم لك الحب فوق أوراق الورد ، يحملك الي عالم الأحلام ، يحول حياتك إلى عالم الخرافات والأساطير ، يشعرك بمسؤليته تجاهك وأنك مسؤول منه ، يعلمك الصدق والحب والإخلاص ، يحول سوادك إلى بياض ؛ وليلك إلى نهار ؛ وظلمتك إلى شمس ، يصبح قلبك الذي تعشق به ،، وعينك التي ترى بهما ،، هذا الإنسان إذا ضاع بحق نبكي بحر

قمة الاسترخاء.....

عمرك وصلت لقمة الاسترخاء؟ ,طب اية اكتر حاجة ممكن تخليك في الاحساس دة؟,انا عن نفسي اكتر حاجة ممكن تريح اعصابي ,اني اقعد ادام البحر بالليل مسترخية علي كرسي للخلف ,والظلام من حواليا ,والبحر ادامي,وموسيقي هادية في وداني , وفي نقط من النور بعيدة اوي ,وتحس ان النقط دي هي اللي بتربط البحر بالسما ,وافضل اتفرج عالمنظر الرائع دة-من وجة نظري انا-واكلم البحر واشكيلة واحكيلة عن كل اللي انا حاسة بية ,وبحلم معاة ,وبرسم حياتي علي امواجة ,وساعات كتير بيبقي في كلام مبعرفش اطلعة لحد ,وبيطلع للبحر ,البحر دة فيه كل اسراري ,بس هو فين ؟؟؟,وحشني اوي ,نفسي اوصل للاحساس دة دلوقتي ......

هطير مالفرحة...

انا فرحانة اوي اليومين دول ,هو انا مش عارفة لية بالظبط بس فرحانة اوي,ونفسي افضل كدة علي طول اصلي من زمان اوي ما فرحتش ,حاسة اني هطير مالفرحة ,دة يمكن اني حواليا كل اللي بحبهم وبيحبوني ,ومفيش مشاكل معاهم ,او ممكن عشان انا اليومين دول بدأت اعمل حاجات انا لاول مرة بعملها وانشطة وحاجات جديدة عليا- بس حبيتها- ,لاني حسيت فيها بروح المشاركة ,ونفسي بقي فرحتي تكمل لو الحاجات دي ما عطلتنيش عن الدراسة ,عشان تبقي الفرحة كاملة ,بس بردة حاسة اني هطير مالفرحة....

خايفة افرح

عمرك حسيت الاحساس دة ,انك خايف تفرح ,طيب تعرف امتي بتحسة؟؟,انت ممكن تخاف تفرح في حالات كتيرة اوي,الواحد بيخاف يفرح لما يكون حاسس من جواة ان الحاجة اللي هيفرح بيها دي مش بتاعتة -او يعني تقدر تقول مش لية من الاول-,وممكن تخاف تفرح لما تكون متأكد أن الحاجة دي هتضيع من ايديك وخايف من اليوم دة ,واصعب حاجة عالانسان لما يكون في ايدية حاجة تستحق الفرح ومش قادر يفرح بيها ,دي حاجة ممكن تعيشك في حزن وخنقة فترات طويلة ,وأنا وصلت في النهاية لمبدأ هحاول امشي علية أن شاء الله وهو"اذا اردت شئ بقوة فأطلق سراحة ,فأن عاد لك فهو لك للنهاية,وأن لم يعد لك فأنة لم يكن لك من البداية",بس بردة لو اطلقت سراحة هتبقي خايف ميرجعش... لانك بتحبة,حتي وان لم يكن لك من البداية ,شوفت بقي هترجع للخوف ازاي,بس دة لما تكون حاسس انك معاك حاجة مش بتاعتك,"وبردة بتخاف تفرح".....

دمعة وابتسامة

حياتنا بقت مليانة بالدمع والابتسامات ,بس اللي يتعلم منهم بقي,ساعات كتير بندمع وبنبكي,بس عمرنا مفكرنا هو لية ربنا خلي حياتنا دمعة وابتسامة ,دة عشان نتعلم من الدمعة ونفضل علي طول في ابتسامة,بس بردة مبنتعلمش,وبيفضل الدمع في عيونا,ولما تيجي الابتسامة تأكد تماما انها مش من قلبك,وانك بتحاول تخفي الدموع في عنيك,طيب لية ؟؟؟؟,ما تواجة دمعتك يمكن توصلك لبسمتك,اصل انت طول مانت خايف من مواجهتها,هتفضل هي تواجهك مدي الحياة,وعمرها ما هتسيبك,حاول ولو مرة واحدة اقعد مع نفسك واعرف سبب الدموع في عنيك,وشوف كدة الابتسامة هترجع من القلب ولا لأة-بس حاول-...." الحياة ماهي الا دمعة وابتسامة"

ليت الحبيب يعود يوما...

كلمة اقولها من اعماق قلبي ,اتمني راجية ان يعود لي حبيبي ,فمن يسمع كلامي هذا يهيأ لة اننا تفارقنا ,فهو معي وليس معي,معي بجسدة فقط,ولكن قلبة وعقلة وتفكيرة شارد,بعيد عني,فهذا يؤلمني,ويكسر بداخلي كثير من المشاعر والاحاسيس,فأنا منذ ان فارقني قلب حبيبي ,وانا احلم بيوم اللقاء,فسيكون هذا اليوم عيدا بالنسبة لي ,بل ميلاد جديد لقلب جديد سيحبة من جديد,حب يدوم مدي الحياه,سيكون هذا اليوم ميلاد لحب جديد بين قلبين يعيشان كقلب واحد,لا يفترقان ابدا,-ولكن هذا عندما يعود حبيبي-..."ليت الحبيب يعود يوما"...

حاسس بيا....

حاسس بيا عارف اية اللي بيحصل فيا... حاسس بيا عارف اني كرهت حياتي عشان حسيت انك مش ليا... انا لو غالية كنت تفكر تسأل عني وتسأل فيا... ولا وجودي زي غيابي حاجة عادية... انا مش فارقة معاك في حياتك انا منسية... بتعذبني طب متقولي ان انا مش ليك ولا انا ليك... انت عايزني ولا سايبني اتعلق بيك وتعبي راضيك... انا بتألم واكتر حد بحبة هو اللي مبكيني... طول الليل سهرانة بفكر في اللي ناسيني... قسوة قلبك مهما تزيد مش بتأسينسي... بتعذبني طب متقولي ان انا مش ليك ولا انا ليك... يعني عايزني ولا سايبني اتعلق بيك وتعبي راضيك...."حاسس بيا"

خلصت الحكاية....

خلصت الحكاية... وخلاص احنا في اخرها... وصلنا للنهاية وبالخير افتكرها... انابعد كل اللي اتعمل... لا مفتكرش فية امل... دي حكاية عدت زيها بقي زي غيرها... وباب خلاص قفلتة.... كان وهم ياريت ما طلتة...... خلصت الحكاية.....وخلاص احنا في اخرها.....

كلام مالقلب...

لا تفرط في من يشتريك... ولا تشتري من باعك

لا تندم علي حب عشتة...حتي ولو صارت ذكري تؤلمك

لا تكسر ابدا كل الجسور مع من تحب

فربما شاءت الاقدار لكما يوما لقاء اخر...يعيد ما مضي ويصل ما انقطع

فاذا كان العمر الجميل قد رحل...فمن يدري ربما ينتظرك عمر اجمل

واذا قررت يوما ان تترك حبيبا فلا تترك لة جرحا

فمن اععطانا قلب ...لا يستحق ابدا منا ان نغرس فية سهما...وتترك لة لحظة الم تشقية

وما اجمل ان تبقي بيننا لحظات الزمن الجميل

ولكن ليست المأساه رحيل من تحب... ولكن المأساه رحيل قلبك مع من تحب....!!!!!

ولدت كي اموت ....حقيقة غفل عنها الناس

المشكلة الصعبة في الحياة عند كل الناس تقريبا انهم مش حطين في دماغهم ان كل نفس ذائقة الموت وكل نفس خلقت لكي تموت وترجع للي خلقها ,دي حاجة وحشة اوي انك تعيش في حياتك ومتبقاش عامل حسابك علي اصدق حقيقة فيها وهي الموت,وانك تعيش من غير ما تعمل لليوم دة حساب ,علي فكرة كل الناس اللي انا بتكلم عليها دي يتتكلم عالموت وبتقول وبتعيد علية بس كلة كلام وبس ,ولا واحد فيهم بيعمل حاجة علشان اليوم دة ,الحياة وخداهم بجد,الحياه دي عاملة زي الكوبري القديم,في اللي بيعدي من علية وهو واثق من نفسة وناوي انة ميقعش "ودة اللي واثق في دينة ومتمسك بية ",وفي اللي حاسس انة هيقع من قبل حتي ميعدي من علية لانة مش واثق من نفسة "ودة اللي دينة ضعيف ومش واثق في نفسة ودينة",علي فكرة انا مش علشان بكتب الكلام دة ابقي لازم من الناس اللي كاملة في دينها وعاملة كل المطلوب منها ,بالعكس انا من الناس اللي الدنيا سرقتهم من دينهم بس بجد مش عاجبني حالي ,علشان كدة بكتب الكلام دة ,واللي فاضل فيا الدنيا مسرقتهوش هو ضميري ,وهو اللي بيتكلم دلوقتي ,علشان كدة انا مفقدش الامل اني اكون انسانة جديدة راضي عنها ربها ,وادعولي وادعوا لنفسكم ان ربنا يهديني ويهديكم "أن شاء الله "...

غريبة الناس

هي لية الناس بتتغير علي ناس عمرها متغيرت عليهم ,والحاجة الصعبة انهم بيبقوا غاليين عليهم ,دي حاجة مضايقاني اوي,خاصة لما يكون الناس دي عزيزة عليكي اوي وانك لما بتيأسي هم اللي بيشجعوكي,ولما بتضعفي هم اللي بيقوكي,ولما تفقدي اخر امل في الحياة تفتكريهم عشان تعيشي,تخيلوا انتم بعد كل دة الناس دي تبقي بالنسبة ليا اية,ولما يتغيروا عليا انا ممكن اعمل اية,واللي يضايق في الموضوع اني مش عارفة اصارحهم بالي انا حاسة بية,وبقعد اقول يمكن احساسي ميكونش في محلة ,فمبرضاش اقول لهم,بس بجد انا خلاص تعبت,ومش عارفة اعمل اية,المشكلة انهم اقرب الناس ليا ,واحبهم لقلبي,واللي بأحكيلهم عاللي مضايقني,بما اني مش هعرف احكيلهم يبقي مش هعرف احكي لحد ,اصل اللي انا حاساه ميتحكيش لحد هو يتحس بس ,يبقي انا كدة هموت مالخنقة ,"لحد ميرجعوا ليا تاني"......

احبك ...احبك...احبك
احبك بدوم شروط .....
وقمة الحب ان تحب بدون شروط .....
فـأنت قلبي الذي يدق بحبك ......
وانت روحي التي تبعث في الحياه .....
ونور عيني الذي اري بة .......
فبدومك ماذا تساوي الحياه ......
فلك قلبي ولك روحي ولك عقلي ولك كياني .....
بل انت كياني.......احبك

مخنوقة اوى ى ى ى ى ى ى ى ى ى ى ى ى .........

بجد انا حاسة اني مخنوقة اوي ,والاحساس دة لما بسيطر عليا بيشلني ,لاني بجد مبعرفش اعمل اي حاجة ,دةحتي لدرجةأن لما الاحساس دة بيتمكن مني بيخليني محبش اخرج منة ,بس بجد مخنوقة ,واللي يخنق اوي انك تكون مخنوق ومش عارف مخنوق من اية,دي اصعب حاجة في الموضوع,واللي مضايقني اكتر اني لما بكون في الحالة دي بضايق اقرب الناس ليا واخنقهم معايا ,ودي حاجة بتزود من اللي انا فية,وانا ملاحظة بجد ان موضوع الخنقة دة زاد معايا اوي الفترة دي,بس مش عارفة اخرج منة,بس انا في النهاية متفائلة وبعي ربنا انة يخرجني من اللي انا فية دة وميزدش عليا ,لانة بجد لو زاد انا ممكن اعمل حاجةفي نفسي ,وفي الاخر .................اتخنقت.